Morteza Vafaei
Atta Mervari

متن آهنگ عطا مرواری مرتضی وفایی

تا که اِفتاب کوه سر بورده فِرو،علی بِمو

همه جا وقتی بَیه بی سِک و سو،علی بِمو

بی گِمون کعبه ی دل مثل صدِف وا بَیه

اتّا مِرواری بِمو چِشِ جلو،علی بِمو

فاطمه بنت اسد خَله خِدا خِدا بَزو

اَتّی خوار خوار بَوینه شه گِل رو،علی بِمو

دَپیته بوی ونوشه همه جا کوهِ دِله

این گِدِر دِشمن دل بَیّه کَهو،علی بِمو

روخِنه او دَکِته کیله ی او پَل بَزوئه

چشمه ره پِر بَیه زِلال او،علی بِمو

گتِ مردی بِموئه دِنیا ره روشن هاکِنه

مثل اِفتاب که بِمو قبله ی رو،علی بِمو